GERAKAN ACEH MERDEKA
Haba Peunjata
3 Februari 2021
Assalamu’alaikum warahmatullahiwabarakatuh
Uroë Peu-ingat Pembataian di Arakundo Atjèh Timu 3 Februari 1999 - 3 Februari 2021
Bak uroenjoë, 22 thôn njang ka u likôt ka teudjadi peumbantaian di Arakundo, Atjèh Timu, disinan ka gugur dan rhôt kureubeuën njang ramé lagèëna di antara bansa Atjèh njang sampoë ’an djinoë gohlom na peurtanggongdjawaban atas aksi keukeurasan njan, njang djipeulaku lé TNI.
Geutanjoë saban2 ta meudo’a seumoga kureubeuën sjèëdara2 geutanjoë meuteumeuëng neuduëk disisi Allah Subhanahuwa Ta’ala, beuneupeuduëk sadjan sjuhada dan anbija dan beuneupeuampôn dèësja bandum sira ta seudeukah Alfatihah keu bandum kureubeuën2njan.
Ta peu-ingat uroënjoë deungon meukeusud supaja ta ingat seudjarah Atjèh njang meutuléh deungon darah sutji nibak bandum bansa Atjèh njang kon mantông kombatan, TNA, malah kureubeuën njawông rakjat Atjèh njang hana meusalah sapeuë. Keuduwa deungon peungharapan rajek bahwa keudjadiannjoë bèk meu-ulang lé.
Bahpih meunan, deumi keuadilan dan seusuai lagèë djandji MoU Helsinki
Poin 2.1 Peumeurintah RI akan pateh Kovenan Internasional PBB dalam hai Hak2 Sipil dan Politék dan dalam hai Hak2 Ekonomi, Sosial dan Budaja
Poin 2.2. Saboh Peungadilan Hak Asasi Manusia akan geupeudông keu Atjèh
Kamoë GAM teutap meutuntut keuadilan ateuëh nan kureubeuën bansa Atjèh dalam tragedinjan.
Kamoë meutuntut bak Peumeurintah Atjèh, Peumeurintah Pusat RI malah badan2 dônja internasional, supaja peudjak prosesnjoë lagèë patôt dan lagèë njang ka ta seupakat dalam Djandji Damé MoU njoë.
Wassalamu’alaikum warahmatullahi wabarakatuh
Njang éhlaih,
Bakhtiar Abdullah
Djubir GAM
0 komentar:
Post a Comment